“Një mundësi më tepër” është një konkurs mbarë-kombëtar organizuar nga Moving Culture mbeshtetuir nga Raiffeisen Bank (www.raiffeisen.al) dhe Universiteti Europian i Tiranës (www.universitetieuropian.com) që synon të nxisë të rinjtë të reflektojnë dhe të shprehin mendimin e tyre.

Ky konkurs përfshin të gjithë maturantët e shkollave të mesme, shtetërore dhe private, në të gjithë Shqipërinë.
Aplikantët kërkohen të zhvillojnë një nga temat e përgjedhura duke shprehur mendimet e tyre në mënyrë koherente sipas formatit të shkrimit akademik.
Esetë do të vlerësohen nga një juri e përbërë nga profesionistë të lirë (shkrimtarë, eseistë, akademikë, kritikë letrar).
Esetë më të mira do të botohen në një vëllim, i cili do t’i dhurohet të gjitha shkollave të mesme si dhe do të botohet në web në : www. movingculture.org.

Çmimet

Për esetë më të mira do të jepen:

- 3 bursa tre vjeçare dhe 5 bursa një vjeçare në Universitetin Europian të Tiranës në degët; Gazetari, Komunikim, Shkenca politike, Juridik, Ekonomik.

- 6 çmime të tjera me nga një kompiuter portativ.

Dergimi i punimeve

Esetë duhet të dërgohen brënda datës 20 Nëntor 2008 me format elektronik në ese@movingculture.org si dhe të printuara me firmen e aplikantit së bashku me një kopje të dëftesës të vitit të 3të të shkollës së mesme, që tregon një mesatare të përgjithshme mbi 8 dhe të një çertifikatë personale me fotografi në adresën: Moving Culture, Rruga “Luigj Gurakuqi”, Pallati 89, Shkalla A, Tiranë.
Për sqarime të mëtejshme të gjithë të interesuarit mund të kontaktojnë në 04 2275628 ose ese@movingculture.org, www.movingculture.org

Tematikat e eseve

E1. Çfarë është demokracia?

2. Edukimi universitar: e drejtë apo privilegj?

3. A është matura shtetërore sistemi më i mirë për pranimin në universitet?

4. Çfarë është korrupsioni, si ju ka ndikuar në jetën tuaj, dhe si mund të luftohet?

5. Çfarë është globalizimi: avantazhet, disavantazhet, impakti në Shqipëri

6. Çfarë është terrorizmi dhe si mund të luftohet?

7. Si e dua universitetin tim të ardhshëm?

8. Aborti, zgjedhje apo imoralitet?

9. Pjesmarrja në votime, e drejtë apo detyrim?

10. Cilin konsideroni një nga konfl iktet etnike më të rëndësishme dhe si mund të zgjidhet ai?

11. Në një shoqëri që orientohet gjithnjë e më tepër drejt tregut të lirë, a është detyrë e qeverisë të mbrojë shtresat e varfra?

12. Në universitet do të ndjek degën që kam pasion apo atë që ka më shumë mundësi punësimi?

13. Çfarë është përgjegjësia sociale e korporatave?

Vlerësimi dhe permbajtja e eseve

Juria në vlerësimin e eseve do të udhëhiqet nga kriteret e mëposhtme:

Qualiteti i analizës dhe logjika e argumentit

a. Analiza, perspektiva, gjykimi, dhe idetë cilësore.

b. Argumentimi me kërkime, jo vetëm me ide dhe gjykime personale.

Krijimtaria dhe origjinaliteti

a. Eseja duhet të jetë e ndryshme nga punë të mëparshme të publikuara,

megjithëse duhet të citojë shkrime/analiza të tjera të shkruara nga analistë/

shkrimtarë ekspertë të tezes që po shtjellohet.

b. Është e rëndësishme që eseja të përmbajë konkluzione dhe interpretime personale

origjinale, por të bazuara mbi fakte dhe kërkime, si dhe analiza të reja që

kontribuojnë në temën e caktuar.

Stili i shkrimit dhe struktura

a. Gjuha: Të gjitha esetë duhet të dërgohen në Shqip.

b. Lexueshmëria: Të gjitha esetë duhet të shtypen me dy hapësira midis paragrafëve,

esetë që nuk janë të shtypura dhe vetëm me një hapësirë midis paragrafëve

nuk do të konsiderohen. Autorët duhet të perfshijnë mbiemrin dhe numrat

e faqeve në cdo faqe të esesë.

c. Gjatësia: Esetë duhet të jenë minimumi 2000 fjalë dhe maksimumi 3000 fjalë.

Abstrakti duhet të jetë maksimumi 200 fjalë.

d. Referimet: Esetë duhet të përmbajnë refererime brenda tekstit ose shënime

në fund të faqes (footnotes) si dhe një bibliografi ne fund të esesë me listën e të

gjitha referimeve që janë përdorur. Për referimet, ndiqni stilin Chicago. Instruksionet

për përdorimin e këtij stili, mund t’i gjeni në këtë faqe interneti: http://www..

chicagomanualofstyle.org/tools_citationguide.html.

e. Faqja kryesore: Eseja duhet të përfshijë një faqe të parë që duhet të përmbaje

vetëm titullin e esesë, emrin e autorit, shkollën, adresën, emailin, dhe numrin e

telefonit.

Rekomandime

Zgjidh një nga temat e sipërpërmendura dhe sfi do veten të shkruash në formatin e shkrimit akademik duke u shprehur qartë, me një tezë të debatueshme, por të informuar, unike dhe interesante; paragrafë koherentë; dhe tekst qe shpreh në mënyrë të fokusuar pozicionimin tuaj mbi temën e zhvilluar.

Konsideroni audiencën tuaj.

Gjatë zhvillimit të temës gjithmonë pyesni veten nëse iu jeni përgjigjur pyetjeve që mund t’i lindin lexuesit.

Përmblidhni njohuritë që keni mbi temën pa u zgjatur në përshkrime të detajuara.

Analizoni temën respektive pa e personalizuar së tepërmi. Konsideroni pasojat që ka tema që po zhvilloni në një kuadër më të gjerë.

Sintetizoni informacionin duke bërë paralelizmat e nevojshme apo lidhjet midis ideve jo të dukshme në vlerësim të parë.

Së fundmi, jini kreative dhe origjinalë.

`Rregullore e pranimit te eseve

Esete do te pranohen ne konkurim vetem nqs do te plotesohen te gjitha kushtet e mesiperme. Për sqarime të mëtejshme të gjithë të interesuarit mund të kontaktojnë në 04 2275628 ose ese@movingculture.org. Konsultoni broshurat qe jane shperndare ne te gjitha shkollat e mesme te Shqiperise dhe ne internet www.movingculture.org per te reja